நாநயம் சொல்லுக்கும்,நாணயம் வாழ்க்கைக்கும் சிறப்பு சேர்க்கும்

மின்மினிகள் - கவிதைத் தொகுப்பு

2010-04-20T14:05:00.000+05:30

நண்பர் புதுவை யுகபாரதி ரவீந்திரநாத் தாகூரின் Fire Flies என்னும் ஆங்கில கவிதைகள் தொகுப்பை தமிழில் மொழிபெயர்த்து வெளியிட்டிருக்கிறார். தொகுப்பின் இடதுபக்கத்தில் மூல ஆங்கில கவிதையும் வலது பக்கத்தில் தமிழ் மொழிபெயர்ப்பும் இடம் பெற்றுள்ளது. அருமையான மொழிபெயர்ப்பு.

கவிதைத் தொகுப்பிலிருந்து சில கவிதைகள்

மதவெறி உண்மையைக் காப்பாற்றுகிறேன் என்று

தன் கைக்குள் இறுக்கிக் கொன்றுவிடுகிறது

கண்சிமிட்டும் விளக்கை கூட

உளமார வாழ்த்தினால்

அமாவாசை இரவு கூடத்

தன் எல்லா விண்மீண்களையும் ஏற்றும்.

கன்னிபெண்ணே உன்னுடைய அழகு

இன்னும் பழுக்காத பழத்தைப் போன்றது

எப்போது வெடிக்கும் என்று தெரியாத கமுக்கம்

வரலாறு மெதுவாகத் தன்னுடைய

உண்மையினைக் கொல்கிறது.

ஆனால், அதனை மீட்டெடுக்க

கொடுந்துன்ப வலியுடன்

வேகமாய் போராடுகிறது

என் மரத்தின் நிழல்

அதனை கடந்து செல்லும் அனைவருக்கும்.

அதன் பழம் .....

நான் காத்திருக்கும் ஒருவருக்காக.

ஒளி ........

படைப்பின் பொருட்டுத்

தன் துணையாக

இருளை ஏற்றுக்கொள்கிறது

மற்ற விவரங்கள்

மின்மினிகள் (FIRE FLIES)

மூலம் - இரவீந்திரநாத் தாகூர்

தமிழில் - புதுவை யுகபாரதி

பதிப்பகம் -

நண்பர்கள் தோட்டம்

46, மாரியம்மன் கோயில் வீதி,

சீவானந்தபுரம்,

புதுச்சேரி - 605 008

கைப்பேசி - 999455959

விலை - ரூ.90/-

ஸ்மைல் ப்ளீஸ்

2010-03-29T15:43:00.000+05:30

(படங்கள் பெரியதாக தெரிய கிளிக் செய்யவும்)

நானும் க்யூவில் இருக்கிறேனே

மல்தி டாஸ்கிங் - ஒரு உதாரணம் கூறுக

ஏதாவது வித்தியாசம் இருக்கிறதா?

ஸ்மைல் ப்ளீஸ்

என்னா மரியாதை?

பயங்கர பசி

அழாதே ப்ளீஸ்

என்னை தாராளமாக நம்பலாம் நீங்க

டெக்னாலஜி அப்டேடிட்டிங்

டிஸ்கி - வழக்கம் போல் நண்பரிடமிருந்து ஈமெயில் வந்தது. உங்களுக்கு ஒரு புன்னக்கை பூத்திருந்தால் சந்தோஷமே.

அத்வானி, ஊடகங்கள், கிரிக்கெட்,

2010-03-26T18:13:00.000+05:30

அத்வானி

”ராமர் கோயில் இடிப்பின்போது அத்வானி மேடையின் அருகே இருந்தார். அவர் ராமர் கோயிலை இடிக்கும் கரசேவகர்களை ஊக்குவிக்கும் வகையில் பேசினார்”

இதை சொல்லியிருப்பது அத்வானியுடைய அப்போதைய தனி பாதுகாப்பு அதிகாரியான அஞ்சு குப்தா. இது இந்த வழக்கிற்கு மிகவும் முக்கியமான மற்றும் வலுவான சாட்சியாம். இன்னைக்கி(தான்) சாட்சி சொல்லியிருக்காங்க.

எனக்கு ஒரே ஒரு டவுட்டு. இவரை விசாரிக்க ஏங்க இத்தினி நாள் ஆச்சி? இத்தினி நாள் என்ன பண்ணாங்க? இன்னும் எத்தினி வருஷத்துக்கு வழக்கை இழுக்கப்போறாங்கன்னு தெரியல? இன்னைக்கு ஃபுல்லா ஊடகங்கள் இதை வச்சி நல்லா அலப்பறை பண்ணுவாங்கன்னு நெனைக்கிறேன். ஊடகங்களின் செய்தி பசிக்கு அப்பப்ப இந்த மாதிரி தீனி போடுவதாகதான் எனக்குத் தெரிகிறது.

கிரிக்கெட்

முதல்ல லோக்கல். டிஎல்எஃப் ஐபில் கிரிக்கெட்.

இந்த பதிவில் கூறியிருந்ததை அப்படியே நான் ஏற்றுகொள்கிறேன். நிச்சயமாக சென்னை வேஸ்ட் கிங்ஸ் பெயர்தான் பொருத்தமானது. இப்படியா வெட்டித்தனமாக விளையாடுவார்கள். எவ்வளவு நம்பிக்கையோடு இருந்தேன்?

பேட்டிங் மட்டுமே சற்று வலுவாக உள்ளது (அதையும் பஞ்சாப் மேட்ச நெனைச்சா சொல்ல முடியலை). ஃபீல்டிங் ரொம்ப ரொம்ப மட்டம். பவுலிங் ஃபீல்டிங்க விட ரொம்ப ரொம்ப மட்டம். தென் ஆப்ரிக்காவின் டினி-யை ஏன் டீமில் செலக்ட் செய்யாமல், திரும்ப திரும்ப கோனி, தியாகி போன்றவர்களுக்கே வாய்ப்பை கொடுப்பார்கள் என்று தெரியவில்லை. பாலாஜி, மார்கெல் போன்றவர்களுக்கு எத்தனை வாய்ப்பு கொடுத்தாகிவிட்டது. ஒன்றுமே சாதிக்கவில்லை. பிராக்டிஸ் மேட்ச் மாதிரி எல்லாம் போவுது.

டீமை கலைச்சிட்டு புதுசா சீக்கிரம் ஃபார்ம் பண்ணுங்கப்பா. இந்த தடவையும் சென்னை-க்கு கப் கெடையாதுன்னு கன்ஃபார்ம்டா தெரியுது சாமியோவ்.

இரண்டாவது T20 உலககோப்பை

T20 உலக்கோப்பைக்கான இந்திய அணி டீம் அறிவிப்பு வந்துருச்சி. வழக்கம்போல தோனி கேப்டன், ஷேவக் வைஸ் கேப்டன். புதுசா விநய் குமார், பியூஷ் சாவ்லா இரண்டு பேரையும் சேத்திருக்காங்க. நான் எதிர்பார்த்து மிஸ்ஸானவங்க

1. பெங்களுர் டீமின் மனிஷ் பாண்டே

2. மும்பை டீமின் சௌரப் திவாரி

இவங்க ரெண்டுபேரோட ஆட்டம் எனக்கு ரொம்ப பிடித்திருந்தது. திரும்ப திரும்ப ரோஹித் ஷர்மாவுக்கோ, யூசுஃப் பதானுக்கோ வாய்ப்பு கொடுத்ததுக்கு இவங்களுக்கு கொடுத்திருக்கலாம். யூசுஃபுக்கு யாரும் சப்போர்ட் பண்ணாதிங்கப்பா. ஐபிஎல்-ல மட்டும்தான் நல்லா விளையாடுகிறார்.

பெட்டர் லக் நெக்ஸ்ட் டைம் மணிஷ் அன்ட் திவாரி

கடைசியா ஒரு எஸ்.எம்.எஸ் ஜோக்

1980-ல் அம்பானி ஐடிபீஐ வங்கியில் லோன் அப்ளை செய்தார். அதனை அந்த பாங்க் நிராகரித்துவிட்டது. 2008-ல் அந்த வங்கியை முகேஷ் அம்பானி வாங்க திட்டமிட்டுள்ளார். முயற்சி செய்தால் முடியாதது எதுவுமில்லை என்பதை இது உணர்த்துகிறது.

2010இல் நான் ஸ்டேட் பேங்கில் லோன் அப்ளை செய்தேன். அதனை ஸ்டேட் பாங்க் நிராகரித்துவிட்டது. எனவே 2015-ல் நான்

நான்

.........................
.........................
.........................
.........................
.........................
.........................
.........................
.........................
.........................
.........................
திரும்பவும் லோன் அப்ளை செய்ய முடிவு செய்துவிட்டேன். ஏனென்றால் இது அரசுடமை வங்கி. ஹீ ஹீ ஹீ ஹீ

புதுவை யுகபாரதியின் மின்மினிகள் புத்தக வெளியீட்டு விழா

2010-03-16T15:18:00.001+05:30

நண்பர் புதுவை யுகபாரதி, இரவீந்திரநாத் தாகூர் எழுதிய Fire Flies என்னும் ஆங்கில கவிதை புத்தகத்தை “மின்மினிகள்“ என்னும் பெயரில் மொழிப்பெயர்த்துள்ளார். இதன் வெளீயிட்டு விழா வரும் 19.03.2010 அன்று புதுச்சேரி காமராஜ் சாலையில் உள்ள செயராம் உணவகத்தில் மாலை 6.00 மணியளவில் நடைபெற உள்ளது.

(பெரியதாக்கி பார்க்க படங்களை க்ளிக் செய்யவும்)

என் நண்பரின் இவ்விழா சிறப்பாக நடைபெற எனது வாழ்த்துக்கள் மற்றும் இவ்விழாவிற்கு வருமாறு அன்புடன் அழைக்கிறேன்.

இது எப்படி இருக்கு?

2010-03-03T09:39:00.001+05:30

இது எப்படி இருக்கு ?

எதுவுமே உரைக்காது அப்படின்றிங்களா? என்ன செய்யறது?

தொடர் பதிவு - கிரிக்கெட்டில் பிடித்தவை, பிடிக்காதவை

2010-02-11T11:03:00.008+05:30

பதிவர் கன்கொன் கனகலிங்கம் என்னை தொடர்பதிவொன்றிற்கு அழைத்திருக்கிறார். எனக்குப் மிகவும் பிடித்ததொரு விளையாட்டு தொடர்பான பதிவு என்பதால் மகிழ்ச்சியுடன் தொடர்கிறேன்.

வழக்கம் போல, இத்தொடர்பதிவின் விதிமுறைகள்

உண்மையை மட்டுமே சொல்லவேண்டும்.
தற்போது கிரிக்கெட் விளையாடும் வீரர்கள் மட்டுமே குறிப்பிடவேண்டிய அவசியமில்லை
குறைந்தது இருவரையாவது தொடர்பதிவுக்கு அழைக்கவேண்டும்.

1. பிடித்த கிரிக்கெட் வீரர்? சச்சின் டென்டுல்கர்
                                    (சாதனைகளின் மாமன்னன்)

2. பிடிக்காத கிரிக்கெட் வீரர்?          ஜாவேத் மியான்தத்
                                    (நாகரீகம் அற்ற வீரர்)

3. பிடித்த வேகப்பந்துவீச்சாளர் கிளென் மெக்ராத் (ஓய்வு
                                     பெறும் வரை பிட்நெஸ்
                                     பிரச்சனையில் மாட்டாத
                                     ஒரே வேகபந்துவீச்சாளர்)

4. பிடிக்காத வேகப்பந்துவீச்சாளர் அஜித் அகார்கர் (ரன் மழையை
                                     வாரிவழங்கும் வள்ளல்)

5. பிடித்த சுழல்பந்துவீச்சாளர்    ஷேன் வார்னே
                                    (ஒன்லி கிங் ஆஃப் ஸ்பின்)

6. பிடிக்காத சுழல்பந்துவீச்சாளர் அஜந்தா மென்டீஸ்

7. பிடித்த வலதுக்கை துடுப்பாட்ட சச்சின் டென்டுல்கர், திலக்ரத்னே
   வீரர்    தில்ஷன், வீரேந்திர ஷேவக்

8. பிடிக்காத வலதுக்கை    உத்தப்பா
   துடுப்பாட்ட வீரர்

9. பிடித்த இடதுக்கை சௌரவ் கங்குலி, கவுதம் கம்பீர்,
   துடுப்பாட்டவீரர்             ஆதாம் கில்க்ரிஸ்ட், சனத்
                                  ஜெயசூரியா, பிரையன் லாரா

10. பிடிக்காத இடதுக்கை            உபுல் தரங்கா
துடுப்பாட்ட வீரர்

11. பிடித்த களத்தடுப்பாளர்          ஜான்டி ரோட்ஸ் (மனுஷனுக்கு
                                 ஸ்ப்ரிங் மாதிரி உடம்பு)

12. பிடிக்காத களத்தடுப்பாளர்       மாத்யூ ஹேய்டன், இன்ஸமாம்
                                 உல்ஹக்

13. பிடித்த ஆல்ரவுண்டர்           கபில்தேவ்

14. பிடித்த நடுவர்                 மறைந்த டேவிட் ஷெபெர்ட், டிக்கி
                                 பேர்ட், சைமன் டௌஃபிள்,
                                 பில்லி பவுடன்

15. பிடிக்காத நடுவர்               அசோகா டீ சில்வா, ஹரிஹரன்

16. பிடித்த நேர்முக                ஹர்ஷா போக்லே(ரொம்பவே
   வர்ணனையாளர்                ப்ரண்ட்லி), ரவிசாஸ்திரி

17. பிடிக்காத நேர்முக             சாய்ஸ்ல விட்டுவிடுகிறேன்.
   வர்ணனையாளர்

18. பிடித்த அணி    இந்தியா, தென்ஆப்ரிக்கா

19. பிடிக்காத அணி                இலங்கை

20. விரும்பி பார்க்கும் அணி-    இந்தியா - பாகிஸ்தான்
    களுக்கிடையேயான போட்டி    ஆஸ்திரேலியா - இங்கிலாந்து
   (ஆஷஸ் தொடர்)

21. பிடிக்காத அணிகளுக்கி-        ஆஸ்திரேலியா - பங்களாதேஷ்
   டையேயான போட்டி

22.   பிடித்த அணி தலைவர்              ரிக்கி பாண்டிங், சௌரவ் கங்குலி

23. பிடிக்காத அணித்தலைவர்               யூனிஸ் கான்

24. பிடித்த போட்டி வகை    மூன்றுமே
       (டெஸ்ட், ஒருநாள், இஇ)

25. பிடித்த ஆரம்ப துடுப்பாட்ட                சச்சின் - கங்குலி
      ஜோடி                                                   கில்க்ரிஸ்ட் - ஹேய்டன்
                                                                      ஷேவக்-கவுதம் கம்பீர்

26. பிடிக்காத ஆரம்ப துடுப்பாட் கம்பீர் - உத்தப்பா
      ஜோடி

27. உங்கள் பார்வையில் சிறந்த              லக்ஷ்மண், டிராவிட், சச்சின்
     டெஸ்ட் வீரர்

28. உங்கள் பார்வையில் சிறந்த              முத்தையா முரளிதரன்
      கிரிக்கெட் வாழ்நாள்                                 சச்சின் டென்டுல்கர்
     சாதனையாளர்

நான் அழைக்க விரும்புவது

லோஷன்

வீடுதிரும்பல் மோகனகுமார்

பொங்கல் பரிசு

2010-01-13T10:19:00.000+05:30

இன்று (13.01.2010) பெட்ரோல் மற்றும் டீசல் இரண்டின் விலை உயர்வு குறித்த அறிவிப்பு வெளியாகும் என்று எதிர்பார்க்கப்படுகிறது. பெட்ரோலுக்கு ரூ.3, டீசலுக்கு ரூ.1 என்று உயரும். இது மக்(கு)களுக்கு சிறந்த பொங்கல் பரிசு.

இப்பொழுதே விலைவாசி நடுத்தர மற்றும் கீழ்தட்டு மக்களுக்கு தாங்கமுடியாத அளவுக்கு உள்ளது. 2009 ஜனவரியில் ஒரூ கிலோ ரூ.20க்கு கீழே விற்கப்பட்ட சர்க்கரையின் இன்றைய விலை ரூ.42. கிட்டதட்ட இரண்டு மடங்கு விலை உயர்ந்துள்ளது. சாம்பிளுக்கு இந்த ஒன்றை மட்டும் சொல்லியிருக்கிறேன். அனைத்து அத்தியாவசிய பொருட்களின் விலைகளும் உயர்ந்துள்ளது. மேற்கூறிய விலை உயர்வு அறிவிப்பு வந்தால் அத்தியாவசிய பொருட்களின் விலைகளும் நிச்சயம் மேலும் உயரும்.

எனக்கு தெரிந்து பொதுவாக பொங்கல் நேரத்திலும் அதை தொடர்ந்த 2 மாதங்களுக்கும் பொதுவாக விலைகள் குறையும். ஏனென்றால் பொங்கல் நேரத்தில் உற்பத்தி செய்த உணவு பொருட்கள் சந்தைக்கு வரத்துவங்கும். வரத்து அதிகமாவதால் தானாகவே விலைகள் குறையத்துவங்கும். இது நிச்சயம் 2 மாதங்கள் வரை தொடரும். பின்னர் சிறிது (மட்டுமே) உயரும். இந்த விலை ஒரு 4 (அ) 5 மாதங்கள் ஏறக்குறைய ஒரே அளவில் இருக்கும். திரும்பவும் சூலை இறுதியிலோ அல்லது ஆகஸ்ட் மாதத்திலோ உயரத்தொடங்கிவிடும். ஆகஸ்ட் இறுதியில் இந்தியாவில் பண்டிகை சீசன் தொடங்குவதால் நுகர்வது அதிகரிப்பதன் விளைவே இது.

இரண்டு தினங்களுக்கு முன்பு மத்திய வேளாண்அமைச்சரிடம் எப்பொழுது செய்தியாளர்கள் அத்தியாவசிய பொருட்களின் விலைகள் குறையும் என்று கேட்டதற்கு ”எப்பொழுது குறையும் என்று கூற நான் ஒன்றும் ஜோசியகாரன் இல்லை” என்று அறிவுபூர்வமான பதில் அளித்துள்ளார். இதைவிட சிறப்பாக, பொறுப்பாக யாருமே பதில் சொல்லமுடியாது. இதை புரிந்து கொள்ளாமல் ஏகப்பட்ட விமர்சனம். வேறு வழியில்லாமல் அமைச்சர் ”நான் கூறியது தவறாக புரிந்து கொள்ளப்பட்டுள்ளது” என்று விளக்கமளிக்க வேண்டியிருக்கிறது. எவ்வளவு பொறுப்புமிக்க அமைச்சர்களை நாம் பெற்றுள்ளோம் என்று நினைக்கும்போது எனக்கு மிகவும் பெருமையாகவே உள்ளது.

இந்த மகிழ்ச்சியுடனே

அனைவருக்கும் எனது இனிய பொங்கல் நல்வாழ்த்துக்கள்

வழிக்கு வந்த செல்போன் சர்வீஸ் ப்ரொவைடர் நிறுவனங்கள்

2009-11-06T15:52:00.001+05:30

ஒரு வழியாக செல்போன் சர்வீஸ் ப்ரொவைடர்கள் வழிக்கு வந்துள்ளனர். ஏர்டெல், ஏர்செல், ஐடியா என்று அனைத்து கம்பெனிகளும் லோகல்/எஸ்டீடி என்று அனைத்து அழைப்புளுக்கும் கட்டணம் ஒரு செகண்ட் 1 பைசா என்று போட்டி போட்டுகொண்டு குறைத்துவிட்டனர். அனைத்து புண்ணியமும் டாடா டொகோமா-வையே சேரும். முதல்முறையாக டாடா டொகோமா தான் இந்த வசதியை அறிமுகப்படுத்தியது. அதுவும் எப்படி, இந்தியா முழுவதும் அனைத்து செல்போன்/லேண்ட்லைன் என்று எந்த நம்பருக்கு பேசினாலும் 1 செகண்டுக்கு 1 பைசாதான் கட்டணம்..

எனக்குத் தெரிந்து எந்த ஒரு புதிய செல்போன் சர்வீஸ் ப்ரொவைடரும் ஆரம்பித்த உடனேயே இந்த அளவு பிசினஸ் செய்ததது கிடையாது. ஒரு கட்டத்தில் புதுவையில் சிம்கார்ட் கிடைக்கவேயில்லை. என் நண்பர்கள் சிலர் இதற்கென்றே சென்னைக்கு சென்று வாங்கிவந்தார்கள். டாடா டொகோமாவை பொறுத்தவரை ஒரே குறை அனைத்து இடத்திலும் சிக்னல் கிடைப்பதில்லை. கூடிய விரைவில் இந்த பிரச்சனை தீர்த்துவிடுவார்கள் என்றுதான் நினைக்கிறேன்.

இது மட்டும் இல்லை. டாடா டொகோமா டூயல் சிம் மொபைல் போன் விற்பனையை அதிகரிக்க உதவியுள்ளது. ஏனென்றால் பல வருடங்களாக ஒரே மொபைல் எண் வைத்திருந்தவர்கள் தங்களது பழைய நம்பரை இழக்கவிரும்பாமல் இன்கமிங்கிற்கு பழைய நம்பர், அவுட்கோயிங்கிற்கு டாடா டொகோமா எண் எனற வசதியை பெறுவதற்கு டூயல் சிம் மொபைல்கள் வாங்கிவிட்டனர். அதிலும் ஸ்பைஸ் போன்ற மொபைல் நிறுவங்கள் வெறும் 3500 ரூபாய்க்கே டூயல் சிம் மொபைலை (அதிலும் அதிலுள்ள வசதிகளும் அதிகம்.. 8 ஜிபி மெமரி கார்ட், வையர்லெஸ் எஃப்.எம். ரேடியோ, Blue Tooth. என்று தேவையான அனைத்து அடிபடை வசதிகளும் உண்டு) கொடுக்கின்றன. மிடில் கிளாஸ் ஆசாமிகள் அனைவருக்கும் இது நல்ல சாய்ஸ் என்றே சொல்வேன்.

இதே போல் ஐடியா செல்போன் நிறுவனம் எந்த அழைப்பு என்றாலும் 40 பைசா என்னும் திட்டத்தையும் அறிமுகப்படுத்தியுள்ளது.

இந்த கட்டணகுறைப்பை எப்பொழுதோ செய்திருக்கலாம் இந்த நிறுவனங்கள். எஸ்டீடிக்கு கட்டணங்கள் எல்லாம் ஒரு காலத்தில் எவ்வளவு அதிகமாக வாங்கினார்கள். இப்பொழுது மட்டும் எப்படி குறைக்க முடிகிறது? அப்படியென்றால் இத்தனை நாள் நுகர்வோர்களிடம் கொள்ளை அடித்தார்கள் என்றுதானே அர்த்தம்? அதிலும் பூஸ்டர் பேக் அது இது என்று எந்த எந்த பெயரில் எல்லாம் கொள்ளை அடித்திருக்கிறார்கள்.

இன்னும் பல இருக்கிறது. எம்எம்எஸஸ், ஜிபிஆர்எஸ் போன்ற பல சேவைகளுக்கெல்லாம் இந்த நிறுவனங்கள் வசூலிக்கும் கட்டணங்கள் அதிகமாகவே உள்ளது. கூடிய விரைவில் இதற்கும் ஏதாவது வழிபிறக்கும் என்று நினைக்கிறேன்.

தனியார் நிறுவனங்கள் இப்படி நாலு கால் பாய்ச்சலில் கட்டணங்களை குறைக்க, வழக்கம்போல் அரசு நிறுவனமான பி.எஸ்.என்.எல் ஆழ்ந்த நித்திரையில் உள்ளது. நியாயமாக பார்த்தால் அரசுதான் இந்த கட்டணகுறைப்பை முதலில் செய்திருக்கவேண்டும். இவர்கள் எப்பொழுது குறைப்பார்களோ தெரியவில்லை?

கமல்ஹாசனின் உள்ளுணர்வு, நகஸ்லைட் பிரச்சனை, கிரிக்கெட், ரிசெஷன்

2009-10-29T15:13:00.000+05:30

இது சமீபத்தில் எனக்கு வந்த குறுந்தகவல்.

கமலஹாசனின் உள்ளுணர்வு

1978 - சிவப்பு ரோஜாக்கள் - 1979 - சைக்கோ ராமன் பிடிபட்டான்.
1988 - சத்யா, 1989 - இந்தியவில் வேலையில்லா திண்டாட்டம்.
1992 - தேவர் மகன், 1993 தென்னிந்தியாவில் ஜாதி கலவரம்.
1994 - மஹாநதி, 1996 - பல மோசடி நிதிநிறுவனங்கள் மக்களை ஏமாற்றின
2000 - ஹே ராம், 2002 - குஜராத்தில் இந்து-முஸ்லீம் கலவரம்
2003 - அன்பே சிவம் படத்தில் சுனாமி என்ற வார்த்தையை பயன்படுத்தினார், 2004 - சுனாமி வந்தது
2006 - வேட்டையாடு விளையாடு, உத்திரபிரதேச மாநிலம் நொய்டாவில் சீரியல் கொலைகள்
2008 - தசாவதாரம் - பயங்கரமான வைரஸ் அமெரிக்காவிலிருந்து இந்தியாவிற்கு வந்தது, 2009 - பன்றி காய்ச்சல் பரவியுள்ளது.

எப்படி இப்படியெல்லாம் யோசிக்கறாங்க?

மாவோயிஸ்ட் நக்ஸ்லைட்கள் அட்டகாசம் மிகவும் அதிகமாகி கொண்டே வருகிறது. கடந்த மாதம் ஜார்கண்ட்டில் ஒரு போலிஸ்காரர் தலையை துண்டித்து கொலை செய்துள்ளனர். மேற்கு வங்கத்தில் மற்றொரு கடத்தல் சம்பவம் நடந்துள்ளது. கடத்தப்பட்டவர் அதிர்ஷகாரர், உயிருடன் மீண்டு வந்துள்ளார். நேற்று முன்தினம் ரயில் கடத்தல் டிராமா நடந்துள்ளது. நேற்று மீண்டும் ஒரு போலிஸ் அதிகாரியை கடத்திகொண்டு சென்றுள்ளனர். மாவோயிஸ்டுகளின் தீவிரவாத செயல்கள் மத்தியில் காங்கிரஸின் புதிய அரசு பதவியேற்றபின் மிகவும் அதிகமாகியுள்ளது. இந்த நிலையில் கம்யூனிஸ்ட் கட்சி மத்திய ரயில்வே அமைச்சருக்கு இந்த சம்பவத்தில் தொடர்புடையதாக குற்றம் சாட்டியுள்ளது. இதில் எந்த அளவு உண்மையிருக்கிறது என்று தெரியவில்லை. இன்னும் என்ன என்ன நடக்கப்போகிறதோ தெரியவில்லை. இந்நிலையில் இத்தகைய ரயில் சிறைபிடிப்பு சம்பவங்கள் இன்னும் அதிகரிக்கும் என்றும் உளவுத்துறை உஷார்படுத்தியிருக்கிறது.

நாக்பூரில் நேற்று நடந்த இரண்டாவது ஒரு நாள் போட்டியில் நீண்ட நாட்கள் கழித்து தோனியின் அதிரடி ஆட்டத்தை காணமுடிந்தது. ஒரு பொறுப்புள்ள கேப்டனாக விளையாடினார். ஆரம்பத்திலேயே அதிரடி காட்டாமல் கொஞ்சம் கொஞ்சமாக ஆட்டத்தின் வேகத்தை அதிகரித்து வாணவேடிக்கை காட்டினார் மனிதர். தொடந்து 3 சிக்ஸர் அடித்து செஞ்சுரி அடித்து ஆஸ்திரேலியாவிற்கு ஆப்பு அடித்தார். ஆஸ்திரேலியாவிற்கு எதிராக ஒரு இன்னிங்ஸில் அதிக ரன்கள் எடுத்து கேப்டன் என்ற பெருமையை பெற்றுள்ளார்.

மேன் ஆஃப் தி மேட்ச் இவரே. பரிசு பைக். இது இவர் பெறும் 23ஆவது பைக்காம். விரைவில் 30ஆவது பைக்கை பெறுவேன் என்று நம்பிக்கை தெரிவித்திருக்கிறார். உங்கள் நம்பிக்கை விரைவில் பலிக்கட்டும் தோனி. வாழ்த்துக்கள்.

மீண்டும் லே ஆஃப் பற்றிய பேச்சுக்கள் எழ ஆரம்பித்திருகின்றது. பின்னோக்கி அவர்கள் தன்பதிவில் அவர் வேலை செய்யும் அமெரிக்க அலுவலகத்தில் நடந்த லே ஆஃப் பற்றி கூறியிருக்கிறார். இந்தியாவில் வேலை செய்வதால் தன் தலை தப்பியதாக கூறியிருக்கிறார். பின்னோக்கி அவர்களுக்கு என்ன ஆறுதல் கூறுவதென்று தெரியவில்லை. சென்ற வாரம் சத்யம் நிறுவனத்திலும் 6000 பேருக்கு பிங்க் நோட்டீஸ் கொடுத்தள்ளதாக செய்தி வந்தது. ரிசெஷன் முடிவுக்கு வந்துவிட்டதாக செய்திகள் வருகிறது. அப்படியும் இன்னமும் ஏன் லே ஆஃப்கள் தொடர்கின்றன என்று புரியவில்லை. யாராவது தெரிஞ்சா சொல்லுங்கப்பா ரிசெஷன் முடிவுக்கு வந்துவிட்டதா இல்லை தொடர்கிறதா?

ஓய்வு பெற்ற கிரிக்கெட் அம்பையர் டேவிட் ஷெபர்ட் மரணம்

2009-10-28T16:47:00.001+05:30

டேவிட் ராபர்ட் ஷெபர்ட் - 1940 -2009

மிகச் சிறந்த முன்னால் கிரிக்கெட் அம்பயர் டேவிட் ஷெபர்ட் இன்று மரணமடைந்தார். கேன்சரால் பாதிக்கப்பட்ட இவர் சிகிச்சை பலனின்றி மரணமடைந்தார்.

என்னை மட்டுமல்ல உலகின் பல கோடி கிரிக்கெட் ரசிகர்கள் மற்றும் கிரிக்கெட் வீரர்கள் அனைவராலும் நேசிக்கப்பட்டவர் இவர். இவரது அம்பயரிங் மிக சிறந்த மற்றும் குறை சொல்லவே முடியாதது. 172 ஒன்டே மற்றும் 92 டெஸ்ட் மேட்ச்களில் அம்பயராக பணிபுரிந்து 2005இல் ரிடையர் ஆனவர் இந்த அம்பயர்.

தொடர்ந்து மூன்று உலக கோப்பை போட்டியின் ஃபைனல்களில் அம்பயரிங் செய்த பெருமை மிக்கவர்.

May his soul may rest in peace.

சாம்பியன்ஸ் லீக் T20 -அருமையான 2ஆவது செமி ஃபைனல்

2009-10-23T10:31:00.000+05:30

ரொம்ப நாள் கழிச்சி விறுவிறுப்பான, இன்டரஸ்டிங்கான ஒரு மேட்ச் பார்த்த திருப்தி நேற்று நடந்த சாம்பியன்ஸ் லீக் T20-இன் 2ஆவது செமி ஃபைனல் பார்த்தப்போது கிடைத்தது.

முதல் செமிஃபைனலில் எந்த விறுவிறுப்பும் இல்லை. ஒன் சைடாகவே சென்றது கேம். அதற்கும் சேர்த்து வைத்து விறுவிறுப்பு, பரபரப்பை கொடுத்தது 2ஆவது செமி ஃபைனல்.

டாஸ் வென்ற தென்ஆப்ரிக்காவின் கோப்ரா அணி பேட் செய்ய முடிவெடுத்து பெற்ற மொத்த ரன்கள் 175, 5 விக்கெட் இழப்பிற்கு. நல்ல ஸ்கோர்தான். டிரினிடி அணிக்கு சவாலான இலக்குதான் என்று நினைத்தேன். ஆரம்பத்திலேயே 2 விக்கெட் விழுந்துவிட்டால் கோப்ரா அணி வென்றுவிடும் என்றுதான் நினைத்தேன்.

மிக சிறப்பான துவக்கம் டிரினிடி அணியின் துவக்க ஆட்டகாரர்கள் கொடுத்தனர். 4.5 ஓவர்களில் 53 ரன்கள். இந்த ஓவரின் கடைசி பந்தில் தேவையில்லாமல் ரன் அவுட் ஆனார பெர்கின்ஸ். சரிவு ஆரம்பமாகி விட்டது என்று நினைத்தேன. 7ஆவது ஓவரின் முதல் பந்தில் மற்றொரு துவக்கவீரர் பரத் எல்பிடபிள்யூ முறையில் அவுட். ஸ்கோர் ஸ்லோவாக ஆரம்பித்தது. 11 ஓவரின் முதல் பந்தில் சிம்மன்ஸ் அவுட். இதன் பிறகு ரன் எடுக்கும் வேகம் வேகமாக குறைய ஆரம்பித்தது. ஒரு ஓவருக்கு 5 ரன்கள், 4 ரன்கள் என குறைய, இந்த தொடரில் தோற்காத டிரினிடி அணி தோல்வியை நோக்கி செல்வதாகதான் நினைத்தேன்.

அதற்கு பிறகுதான் அற்புதம் ஆரம்பமானது. கங்காவும், பிராவோவும் இக்கட்டான நேரத்தில் மிகச்சிறப்பான ஆட்டத்தை வெளிப்பத்தி ஆட்டத்தின் 14 ஓவரிலிருந்து ஒவருக்கு 11லிருந்து 14 ரன் வரை எடுக்க, ஸ்கோர் எகிறிவிட்டது. ஒரு கட்டத்தில் (13ஆவது ஓவரில்) தேவையான ரன் விகிதம் 10க்கு மேல் இருந்தது. கடைசி 2 ஒவரில் தேவையான ரன் விகிதம் 5.5, கடைசி ஓவரில் வெறும் 3 ரன்கள்.

இந்த வெற்றியின் ஸ்டார்கள் கங்கா, பிராவோ இருவருமே. எந்த பதட்டமும் இன்றி, வெற்றி இலக்கை இவர்கள் அடைந்த விதம் மிகவும் அருமை. வெஸ்ட் இன்டீஸின் இண்டர்நேஷனல் டீமை விட சிறந்ததாகவே உள்ளது இந்த லோகல் டீம்

ஜெமாவே ரொம்ப சூப்பரான மேட்ச். பொதுவாகவே 1 கேட்ச் தவறவிடுவதே ஆட்டத்தின் போக்கை ரொம்பவே மாற்றிவிடும். 3 என்றால்? டிரினிடி அணி அதனை முழுமையாக சரியாக பயன்படுத்திகொண்டது. கோப்ரா அணியின் டேவிட்ஸ் என்ற வீரர் 2 கேட்ச் தொடர்ச்சியாக தவறவிட்டார்,(இந்த மேட்சில் மட்டுமல்ல, தொடரின் முதல் மேட்ச முதல் இத்தொடரின் பல மேட்ச்களில் இவர் இவ்வாறு பல கேட்ச்களை தவறவிட்டிருக்கிறார்), ஆன்டோங் 1 கேட்ச் தவறவிட்டார். அதே போல 2 (அ) 3 ரன் அவுட் வாய்ப்புகளையும் கோப்ரா அணி தவறவிட, டிரினிடி அணிக்கு வெற்றியை தாரை வார்த்து கொடுத்தது கோப்ரா அணி.

மேன் ஆஃப் தி மேட்ச் - பிராவோ( 58 (34 பந்துகளில்) நாட் அவுட்)

இறுதி வரை தொடருமா டிரினிடி அணி தன் வெற்றி நடையை? பார்ப்போம் இன்று.

போதுமென்ற மனம் பெறுவோமே (அ) வாழ்க்கையை அதன் போக்கில் எதிர்கொள்வோமே

2009-10-07T12:34:00.004+05:30

வாழ்க்கையில் நமக்கு பல கஷ்டங்கள், குறைகள் இருக்கலாம். இவைகளின்றி வாழ்க்கை இருந்தால் அது வாழ்க்கையே இல்லை. எல்லோருக்கும் எல்லாமும் கிடைத்துவிட்டால் வாழ்க்கையின் சுவாரசியம் போய்விடும். எதனையும் நாம் துணிவுடன் எதிர்கொள்ள கற்றுகொண்டு வாழ வேண்டும். சில கசப்பான உண்மைகள் நம் நிலை பற்றிய மனக்கவலைகளை போக்கும்.

கீழே உள்ளதை விடவா நம் நிலைமை மோசமாக உள்ளது? சிந்திப்போம்.

மகிழ்ச்சியற்று இருப்பதாக எண்ணுகிறீர்களா? இதனை ஒருமுறை பாருங்கள்

உங்கள் வருமானம் குறைவாக உள்ளதாக குறைபட்டு கொள்பவரா நீங்கள்? இச்சிறுமிக்கு என்ன சொல்லுவீர்கள்?

நண்பர்களே இல்லையென்று நினைக்கிறீர்களா?

மற்றவர்களுக்கு அதிகமாக விட்டுகொடுப்பதாக தோன்றுகிறதா? இவரை பார்த்தால் என்ன தோன்றுகிறது?

வாழ்க்கையில் மிகவும் துன்புறுவதாக உணர்கிறீர்களா, அப்படியென்றால் இவர் அளவுக்கா?

நீங்கள் செல்லும் சாலை குண்டும் குழியுமாக இருக்கிறதா? இதற்கு என்ன சொல்லுவீர்கள்?

சமூகம் உங்களை புறக்கணிப்பதாக தோன்றுகிறதா? இவரை பாருங்கள்

வாழ்க்கையில் என்ன நடந்தாலும் அதை அப்படியே தைரியமாக எதிர்கொள்ள கற்றுகொள்வோம்.

வாழ்க்கை மற்றவர்களை விட நமக்கு சிறப்பாகவே உள்ளதாக எண்ணுவோம்.

நாம் வாழ்க்கையில் பலவற்றை கண்களால் கண்டாலும், சிறந்ததே இதயத்தில் பதியும். வாழ்க்கையில் சோர்வாக இருக்கும்போது அச்சிறந்த பதிவுகளை நினைவுகூறுவோமாக.

டிஸ்கி

இது எனக்கு ஃபார்வார்ட் செய்யப்பட்ட மின்னஞ்சல். அனைவருக்கும் பகிரவே இங்கு பதிப்பித்துள்ளேன்.

இரண்டாவது முறையாக சாம்பியன்ஸ் டிராபி வென்றது ஆஸ்திரேலியா

2009-10-06T10:17:00.003+05:30

தொடர்ந்து இரண்டாவது முறையாக சாம்பியன்ஸ் டிராபியை வென்றுள்ளது ஆஸ்திரேலியா. புதிய வீரர்களின் திறமையை சரியான முறையில் வெளிப்படுத்த வைத்தே ஆஸ்திரேலியா வென்றுள்ளது. இந்த தொடரில் அனைத்துமே ஆஸ்திரேலியாவிற்கே சாதகமாக இருந்தது மிகபெரிய அடி நியூசிலாந்தின் கேப்டன் வெட்டோரி முக்கியமான இந்த ஃபைனல் போட்டியில் பங்கு பெறமுடியாமல் போனது, டாஸ் வென்ற ஸ்டேண்ட் இன் கேப்டனின் டக்அவுட் (இப்படியா ஒரு முக்கியத்தொடரில் அதுவும் ஃபைனலில் டொக்கு வைப்பது), துல்லியமான பந்துவீச்சு (ரன் எடுக்கவே முடியவில்லை நியூசிலாந்து வீரர்களால்) அனைத்துயுமே ஆஸ்திரேலியா அணி சாதகமாக மிக சரியாக பயன்படுத்திக்கொண்டது.

வெறும் 201 ரன் டார்கெட். சொல்லவா வேண்டும். எந்த பதட்டமும் இன்றி சுலமாக சேஸ் செய்துவிட்டது ஆஸ்திரேலியா. ஷேன்வாட்சனின் செஞ்சுரி, வொய்ட்டின் ஃஹாப் செஞ்சுரி இருவரின் ஆட்டம் போதுமானதாக இருந்தது. என்ன இதற்கு 45.4 ஓவர்கள் ஆனது கொஞ்சம் அதிகம்தான். மீண்டும் தான் ஒரு உலக சாம்பியன்தான் என்று நிருபித்துள்ளது ஆஸ்திரேலியா.

பவுலிங்கில் சாதித்தவர்கள்

கலக்கல் பேட்டிங் (செஞ்சுரி அண்டு நாட் அவுட்)

மீணடும் நான்தான் உலகிலேயே சிறந்த கேப்டன் என்று நிருபித்த ரிக்கி

கோப்பையுடன் உலகசாம்பியன் அணி

இந்த வெற்றியின் மூலம் மீண்டும் தரவரிசைப்பட்டியலில் முதலிடத்தை கைபற்றிக்கொண்டது ஆஸ்திரேலியா. இந்தியா இரண்டாவது, சவுத் ஆஃப்ரிக்கா மூன்றாவது இடம்.

தியேட்டரில் படம் பார்க்க இவ்வளவு செலவா?

2009-10-05T17:44:00.000+05:30

உ.போ.ஒ படத்தை நான் புதுவையில் பிக் சினிமாஸ் (அட்லேப்ஸ்) ஜீவா தியேட்டரில் பார்த்தேன். இத்தியேட்டரை மீண்டும் திறந்த (கிட்டதட்ட ஒன்றரை வருடங்கள் ஆகிறது) பிறகு இதுதான் நான் பார்த்த முதல் திரைப்படம். தியேட்டர் renovation-க்கு பிறகு நன்றாக இருக்கிறது. சிறந்த ஒலி அமைப்பு, அரங்க அலங்காரம், சீட்டிங் அரேஞ்ச்மென்ட்ஸ் எல்லாமே சிறப்பாகவே உள்ளது. ஆனால் அதற்கு கொடுக்கும் விலை, யப்பா பயங்கரம்.

இப்பொழுதும் இங்கே புதுவையை பொறுத்தவரை ஏறக்குறைய அனைத்து தியேட்டர்களிலும் டிக்கெட்கள் விலை, முதல் வகுப்பை பொறுத்தவரை டிக்கெட் கட்டணம் ரூ.30, ரூ.35-க்கு மேல் இல்லை. டூ வீலர் பார்க்கிங் ரூ.5 மட்டுமே. ஸ்நேக்ஸ் ரேஞ்ச் ரூ.5-லிருந்து ரூ.10-15 வரை மட்டும்தான். கூல்டிரிங்க்ஸ் ரூ.15-18 வரைதான். இத்தியேட்டர்கள் அனைத்துமே ஏ.சி., டி.டீ.எஸ் சவுண்ட் சிஸ்டம் போன்ற அனைத்து வசதிகளும் கொண்டவை.

புதுவையை பொறுத்தவரை (எனக்கும் சேர்த்துதான்) இதுதான் அதிகபட்ச செலவு செய்ய கூடியதாக இருக்கும். மற்ற பெரிய நகரங்களை பொறுத்தமட்டில் எப்படியோ, எங்களுக்கு இதுவே சமயத்தில் அதிகம் (அதிலும் சிலசமயம் சில மொக்கை படங்களை பார்க்கும்போது).

பிக் சினிமாஸ்-ஸை பொறுத்தவரை அனைத்தின் விலையும் பெயரை போலவே பிக்-தான். முதல் வகுப்பு கட்டணம் ரூ.60(மற்ற தியேட்டர்களை இருமடங்கு). 3 வயதுக்கு மேற்பட்ட குழந்தைகளுக்கு டிக்கெட் கட்டயாம் என்று போட்டிருக்கிறார்கள். எனது மகன் வயது நாலரை. டிக்கெட் எடுக்க சொல்லி கட்டாயப்படுத்துவார்களோ என்று நினைத்தேன. ஆனால் கட்டாயப்படுத்வில்லை. தியேட்டரில் அவ்வளவாக கூட்டமில்லை. அதனாலோ என்னவோ? டூ வீலர் பார்க்கிங் கட்டணம் ரூ.10 (இதுவும் டபுள்) (கொடுக்கும் டோக்கன் என்னவோ ஆட்டோ ஸ்டேன்ட் என்று இருக்கும், கார்களுக்கும் இதே டோக்கன்தான் கொடுக்கிறார்கள் என்றுதான் நினைக்கிறேன்). ஸ்நேக்ஸில் பப்ஸ் மட்டுமே குறைந்த விலை, ரூ.15, பாப்கார்ன், சம்சா என்று மற்ற அனைத்தும் ரூ.20(முதல்), கூல்டிரிங்க்ஸ் ரூ.40. இன்னமும் சில ஸ்பெஷல் ஆஃபர்கள் வேறு, 1 பாப்கார்ன், 2 கூல்டிரிங்க்ஸ் ரூ.90, ஒரு சம்சா, ஒரு கூல்டிரிங்கஸ் ரூ.65 என்று போகிறது.

ஆச்சரியம் என்னவென்றால் இத்தனை விலை கொடுத்து வாங்கவும் ஒரு பெரிய வரிசை நிற்கிறது. நானும், என்னை போன்ற மிடில்க்ளாஸ் ஆசாமிகள் சிலரும் (சிலர் மட்டுமே) வெறுமே வேடிக்கை மட்டுமே பார்த்துகொண்டிருந்தோம். எங்களுக்கு தேவையான ஸ்நாக்ஸை நான் வெளியிலேயே வாங்கி கொண்டு சென்றிருந்தேன். என்னை போலவே பலரும் வாங்கி கொண்டு வந்ததை பார்த்தேன். (ஆனால் வெளிபடையாக தியேட்டருக்கு உள்ளே கொண்டு செல்ல முடியாது, மறைத்துதான் எடுத்து செல்ல வேண்டும், தியேட்டர் ஊழியர்கள் அவ்வாறு எடுத்து செல்லுமாறு கூறுகிறார்கள்).

எனக்கு சிறு வயதில் படம் பார்க்க சென்றது ஞாபகம் வருகிறது. நானும் என்னுடைய தம்பியும் ராஜா, கந்தன் அல்லது ராமன் தியேட்டருக்கு தான் போவோம் (அப்போழுது ராஜா தியேட்டர் எதிரேதான் வீடு). அப்பா ரூ.2 கொடுப்பார். டிக்கேட் ஒருவருக்கு 70 பைசா, இடைவேளையில் ஏதாவது சம்சா (அ) பிஸ்கேட் 25 பைசாவிற்கு இருவரும் சேர்ந்து வாங்கி தின்போம். மீதி 35 பைசாவை பத்திரமாக அப்பாவிடமே கொடுத்துவிடுவோம். சிறிது சிறிதாக டிக்கெட் கட்டணம் முதல் அனைத்தும் அதிகமாகி இப்பொழுது

ரொம்பவே மலைக்க வைக்கிறது செலவு.

கதம்பம் - 05.10.2009

2009-10-05T11:13:00.002+05:30

காந்தி ஜெயந்திக்கு வீடுமுறை பற்றி மத்திய அமைச்சர் சஷி தரூர் கருத்து ஒரு சர்ச்சையை கிளப்பியுள்ளது. எனக்கும் இந்த விடுமுறையில் உடன்பாடு இல்லை. இது ஒரு தேவையற்ற விடுமுறையாகவே எனக்கும் படுகிறது. நாம் என்ன காந்தியின் கொள்கைகளையும் கோட்பாடுகளையும் பின்பற்றுகிறோமா, இல்லையே? இன்னும் சொல்ல போனால் அவ்வாறு பின்பற்றுபவர்களாக நாம் இருந்திருந்தால் இந்த விடுமுறையே இருக்கக்கூடாது என்பதே சரி. இந்த மத்தியஅமைச்சர் சில பல சர்ச்சைகளில் ஏற்கனவே சிக்கியிருந்தாலும் இந்த விஷயத்தில் என் ஆதரவு இவருக்கே.இது போல மேலும் பல விடுமுறைகளை ரத்து செய்யவேண்டும்.

* * * * *

ஒரு திரைப்படத்திற்கு எப்படியெல்லாம் பிரச்சனை வருகிறது. கரண் ஜோஹரின் புதிய ஹிந்தி திரைப்படத்தில் மும்பையை பாம்பே என்று கூறியதற்கு ரகளை நடக்கிறது. வழக்கம் போல இப்பிரச்சனையை கிளப்பியுள்ளது ராஜ் தாக்கரேயின் MNS. ஒரு ரவுடி அரசியல்வாதி நினைத்தால் என்ன வேண்டுமானலும் ஜனநாயகத்தின் பெயரால் செய்யமுடிகிறது இந்த நாட்டில். இவர்தான் மகாராஷ்ட்ராவின் ராமதாஸ் என்று நினைக்கிறேன். வழக்கம் போல வேடிக்கை பார்த்துக்கொண்டிருக்கிறது மாநில அரசு. இத்தகைய நடவடிக்கைகளை இரும்புகரம் கொண்டு அடக்க வேண்டாமா என்று மனதுக்குள் பொருமல் ஏற்படும்போதுதான் ஞாபகம் வருகிறது, அடடா இந்த மாதம் தேர்தல் அல்லவா அங்கே. பாவம் கரண், நீங்கள் ஒரு மாதம் கழித்தே படத்தை ரிலீஸ் செய்திருக்கலாம். தேவையில்லாமால் ஒரு மன்னிப்பு கேட்டிருக்கத் தேவையில்லை.

* * * * *

சாம்பியன்ஸ் டிராபி தொடர் இன்று முடிவுக்கு வருகிறது. முதல் செமிபைனலில் மீண்டும் கைப்புள்ள கணக்காக நல்ல அடி வாங்கியிருக்கிறது இங்கிலாந்து(அது நேட்வெஸ்ட் தொடர்ல, இது சாம்பியன்ஸ் டிராபில). ஆஸ்திரேலியாவின் ஆட்டம் (அதிலும் ஒரு நாள் ஆட்டத்தில் 12000 ஓட்டங்களை தாண்டிய ரிக்கி பாண்டிங்கின் ஆட்டம்,) பிரமிப்பாகவே உள்ளது. பாகிஸ்தான் இப்படிதான் ஆடு(கு)ம் என்று நினைத்தேன். வெட்டோரியின் ஆல்-ரவுண்ட் பர்பாமென்ஸ் மற்றும் எலியட்டின் ஆட்டங்களுக்கு முன் பாகிஸ்தான் எடுபடவில்லை. So, பைனலில் ஆஸ்திரேலியா – நியூசிலாந்து அணிகள் களத்தில். ஆஸ்திரேலியா பழையபடி அதிரடியாக வென்று கோப்பையை தக்க வைத்துக் கொள்ளுமா அல்லது டார்க் ஹார்ஸ் என்று இத்தொடரின் ஆரம்பத்திலிருந்தே கருதப்பட்ட நியூசிலாந்து கோப்பையை கைப்பற்றுமா? பார்ப்போம் என்ன நடக்கிறது என்று? (நான் நியூசிலாந்தின் கட்சி, என்னதான் ஆஸ்திரேலியாவின் ஆட்டம் பிரமிப்பூட்டுகிறது என்றாலும் எனக்கு ரவுடித்தனமான போக்கு அரசியலிலும் பிடிக்காது, ஆட்டத்திலும் பிடிக்காது).

* * * * *

அன்பு சகோதரிக்கும் அன்பு சகோதருக்குமான கூட்டணி உடைந்துள்ளதாம். காரணம் இருவருக்குமிடையில் கொள்கை வேறுபாடாம்.ஒரு நிமிடம் கூட கூட்டணியில் நீடிக்கக்கூடாது என்று கட்சியின் நிர்வாக குழு கூட்டத்தில் வற்புறுத்தப்பட்டதாம். இதே குழுதான் அதிமுக உடன்தான் கூட்டணி வைக்க வேண்டும் என்று வலியுறுத்தியது. தலைவர் கூட இல்லை, நிர்வாக குழுதான் முடிவு எடுத்ததாம். எப்படிதான் இந்த நிர்வாக குழு சடாரென்று கொள்கை வேறுபாட்டை கண்டுபிடித்தது என்று தெரியவில்லை.

நடக்கட்டும் நடக்கட்டும்.

* * * * *

கடைசியாக ஒரு கணித மாஜிக்

உங்கள் வயதை 259 மற்றும் 39ஆல் பெருக்குங்கள் (அதாவது உங்கள் வயது x 259 x 39). ஒரு இன்ட்ரஸ்டிங்கான விடை உங்களுக்கு கிடைக்கும். டிரை பண்ணி பாருங்கள்.

உன்னை போல் ஒருவன - My Views

2009-10-05T09:53:00.000+05:30

கடந்த வெள்ளியன்று(02.10.2009) உ.போ.ஒ. படத்தை நானும் பார்த்துவிட்டேன். இப்பதிவில் நான் படத்தை விமர்ச்சிக்கவில்லை(விமர்சனம் செய்ய எனக்கு தெரியவும் தெரியாது, நான் ஒரு சாதாரண ரசிகன்தான், அதற்கெல்லாம்தான் கேபிள் சங்கர் போன்ற (பதிவுலகின்) தாதாக்கள் இருக்கிறார்களே). ஹிந்தி வெர்ஷனும் பார்த்தது இல்லை. ஆனால் யாருடைய பதிவிலோ ஹிந்தி படத்தின் விமர்சனம் படித்திருக்கிறேன்.

பொதுவாக எனக்கு படம் மிகவும் பிடித்திருந்தது. க்ளைமாக்ஸில் மோகன்லால் எப்படி கமல் இருக்குமிடத்தை கண்டுபிடிக்கிறார், அதுவும் அவ்வளவு துல்லியமாக? எனக்கு புரியவில்லை. படம் முழுவதும் ஒரு non-stop பரபரப்பு உள்ளது.

காமன் மேனின் (கமலின்) கருத்தில் எனக்கும் உடன்பாடுதான். இருந்தாலும் நம்முடைய அரசியல்வாதிகளின் மீறி செயல்படமுடியாமல் இருக்கும் (இருந்தாக வேண்டிய) போலிசாரை எந்த அளவு நம்பமுடியும். ஒரு புறம் தீவிரவாதிகள் என்ற போர்பையில் ஒரு சில fake என்கவுன்டர்கள் நடக்கின்றன. மற்றொருபுறம் அனைத்து ஆதாரங்களும் இருந்தும் மும்பை தாக்குதல்கள் நடத்திய ஒரு தீவிரவாதிவாதியை நம்மால் தண்டிக்கமுடியவில்லை. அனைத்திற்கும் காரணம் இதிலும் அரசியல் செய்யும் நம்முடைய தலைவர்களாக இருக்கும் அரசியல்வா(வி)யாதிகளே.

அமெரிக்காவில் செப்டம்பர் தாக்குதல் நடந்தபோது அமெரிக்கா எந்த நாட்டிடமும் புகார் தெரிவிக்கவில்லை. யார் செய்தது என்ற தெரியவந்தபின் அந்தநாடு உடனடியாக நடவடிக்கை எடுத்தது, யாரிடமும் கருத்தோ ஆதரவோ இல்லை வேறு எந்த புண்ணாக்கோ கேட்டு கொண்டிருக்கவில்லை. அந்நாடு எடுத்த நடவடிக்கைக்கு மற்ற நாடுகள் அனைத்துமே கேட்காமலேயே ஆதரவு அளித்தது. அளிக்க வைத்தது அமெரிக்கா என்றும் சொல்லலாம். ஏனென்றால் நடந்தது அவ்வளவு பெரிய அராஜகம். இத்தகைய துணிவை நம்முடைய முதுகெலும்பற்ற தலைவர்களிடம் எதிர்பார்ப்பது தவறே. இவர்கள் சிக்கன நடவடிக்கை என்ற பெயரில் பப்ளிசிட்டி ஸ்டன்ட் அடிக்கவும், அதை எந்தளவு மீடியாவில் பப்ளிசிட்டி செய்யமுடியுமோ அதை செய்யவும்தான் லாயக்கு.

அமெரிக்காவில் நடந்த செப்டம்பர் தாக்குதலுக்கு சற்றும் குறையாத ஒரு நிகழ்வே மும்பையில் நடந்தது. கிட்டதட்ட ஒரு வருடம் கழித்தும் நம் தலைவர்கள் இன்னமும் அமெரிக்காவிற்கு செல்லும் போது அந்த நாட்டு அதிபரிடம் புகார் செய்வதுடன் தங்கள் கடமை முடிந்ததாகவே கருதுகிறார்கள். இதை பார்க்கும் போது உ.போ.ஒ.-னில் எம்.எஸ்.பாஸ்கர் போலிஸ் ஸ்டேஷனில் அளிக்கும் புகார் காட்சிதான் மனதில் ஓடுகிறது. இதை பார்த்துக்கொண்டிருப்பதை தவிர நமக்கு வேறு வழியில்லை. நம் தலையெழுத்து. என்ன செய்வது.

சாம்பியன்ஸ் டிராபி - இந்தியா அவுட் ஆஃப் கேம்?

2009-09-30T16:21:00.000+05:30

மிகவும் நம்பிக்கையுடன்தான் இருந்தேன்.

இப்படி எல்லாம் நடக்கும் என்று நான் நினைக்கவே இல்லை. எனக்கென்னெவோ இந்தியாவிற்கு அரைறிறுதிக்கான வாய்ப்பு இருப்பதாக தெரியவில்லை. பாகிஸ்தானிடம் தோற்றது, ஆஸ்திரேலியா ஆட்டம் மழையால் பாதித்து கைவிடப்பட்டாலும் இந்தியாவிற்கு அரையிறுதியல் நுழைய இரண்டு வாய்ப்புகள் இருந்தது. ஆஸ்திரேலியா பாகிஸ்தானிடம் தோற்கவேண்டும், இந்தியா வெஸ்ட் இண்டீசை நல்ல மார்ஜினில் வெல்ல வேண்டும். இரண்டும் நடந்தால்தான் இந்தியா அரையிறுதியில் நுழையமுடியும்.

இதை எழுதும் நேரத்தில் பாகிஸ்தான் பேட் செய்து கொண்டிருக்கிறது. ரன் ரேட் 4க்கு கீழேதான் உள்ளது(4 விக்கெட் போயிடிச்சி) (45 ஓவர் முடிந்துவிட்டது). ஆஸ்திரேலியா வெல்ல நிறையவே வாய்ப்பு இருப்பது தெரிகிறது. சோ, இந்தியா வெளியேற்றப்படுவது தவிர்க்கமுடியாததாகவே தெரிகிறது.

கடந்த ஆறு மாதங்களுக்கு மேலாகவே தரவரிசைப்பட்டியலில் முதல் மூன்று இடங்களுக்குள் இருந்த, தொடர் துவங்கும் முன் முதலிடத்தில் அணியின் நிலைமை இப்படியா ஆகும். பாகிஸ்தானிடம் ஆஸ்திரேலியா தோற்கவேண்டும், வெஸ்ட் இண்டீசுக்கு எதிராக இந்தியா கம்ஃபோட்டபுள் வெற்றி பெற வேண்டும் என்று எத்தனை கணக்குகள். ஏன்தான் முதலிடத்தில் வந்ததோ இந்திய அணி என்று வெறுப்பாக இருக்கிறது. ஷேவாக், யுவராஜ் இருவர் இல்லாதது நன்றாகவே தெரிகிறது. ஓப்பனிங்கில் ஷேவாக் இருந்திருந்தால் நிச்சயமாக பாகிஸ்தானை நாம் வென்றிருக்க முடியும். யுவராஜ் மிடில் ஆர்டரில் நிச்சயமாக உதவியிருப்பார். எல்லாம் போச்சி. இனிமேல் யாரும் ஒன்றும் செய்ய முடியாது.

இந்தியாவின் நிலைதான் இப்படி, மற்றப்படி சாம்பியன்ஸ் டிராபி ஆட்டங்கள் நன்றாகவே இருக்கின்றன. கிரிக்கெட்டில் நினைப்பது ஒன்று, நடப்பது ஒன்றாகவே இருககும், எதையுமே கணிக்க முடியாது என்பார்கள். அது உண்மை என்று இந்த தொடர் நிருபிக்கிறது.

முதல் ஆட்டத்தில் ஸ்ரீலங்கா வெற்றி பெற்றப்பிறகு இப்படி அநியாயமாக வெளியேறும் என்றும் யாரும் நினைக்கவில்லை. ஓவர் கான்ஃபிடன்ஸ்?
நேட்வெஸ்ட் சீரிஸில் ஆஸ்திரேலியாவிடம் நாயடி பேயடி வாங்கிய இங்கிலாந்து அணி இப்படி ஒரு ஆட்டம் ஆடும் என்றும் நினைக்கவில்லை. லோஷன் அவர்கள் வெப்சைட்டில் இவர்கள் ஏன் இங்கு ஆட வந்தார்கள் என்றும் படித்திருந்தேன். ஒன்டே கிரிக்கெட்டில் எதுவும் நடக்கும் என்று நிருபித்து உள்ளது இங்கிலாந்து (நேற்றைய நியூலாந்திற்கெதிரான ஆட்டம்தான் செம சொதப்பல்)
இந்தமுறையாவாது சொந்த செலவில் சூனியம் வைத்துக்கொள்ளாது என்று நினைத்தால், மீண்டும் மீண்டும் இப்படியா? பாவம் சவுத் ஆஃப்ரிக்கா. செய்த பெரிய தவறு பகலிரவு ஆட்டத்தில் டாஸ் வென்று இரண்டாவதாக பேட் செய்ய தீர்மானித்தது (ஸ்ரீலங்காவிற்கு எதிரான ஆட்டத்தில்
டிஃபென்டிங் சாம்பியன் ஆஸ்திரேலியாவிற்கும் எல்லாமே நல்லாதான் போகிறது. மீண்டும் தொடரை வெல்ல வாய்ப்புகள் அதிகமுள்ளது ஆஸ்திரேலியாவிற்கு.
நியுசிலாந்து - எதிர்பார்த்ததை போலவே தொடரை வெல்ல வாய்ப்புள்ள ஒரு Black Horse. பார்ப்போம் என்ன நடக்கிறதென்று.
பாகிஸ்தான் - ஒன்றுமே சொல்ல முடியாது என்ன நடக்கும் என்று. ஆனாலும் டஃப் காம்படிடர்
இந்தியா - ??????
வெஸ்ட் இண்டீஸ் - லோஷன் அவர்கள் தொடரில் இங்கிலாந்து டீமை பற்றி சொல்லியிருந்தது இவர்களுக்கு பொருந்தும் முழுக்க. பயிற்சி பெற வந்துள்ள டீம்.

ஜென்டில்மேன் கிரிக்கெட் என்பதற்கேற்ப இரண்டு சம்பவங்களும் இத்தொடரில் நடந்தது. இரண்டுமே ரன் அவுட் சம்பந்தப்பட்டது. இங்கிலாந்து - ஸ்ரீலங்கா ஆட்டத்தில் மாத்யூஸ் .இரண்டாவது ரன்னுக்கு ஓட முற்பட்டப்போது பவுலர் ஆனியன்ஸ் (வேண்டுமென்றே?) இடித்ததால் ஓட முடியாததால் ரன் அவுட்டை ஒத்துகொள்ளாத மாத்யூஸ், இங்கிலாந்து கேப்டனிடம் புகார் செய்ய அவரும் பெருந்தன்மையுடன் ரன் அவுட் கோரிக்கையை திரும்ப பெற, மாத்யூஸ் மீணடும் ஆட்டத்தை தொடர்ந்தார். இதே போல நேற்று இங்கிலாந்தின் கோலிங்வுட் ரன்அவுட்(ஸ்டம்பிங்?) செய்யப்பட்டார். ஆனால் அவுட் கோரும் முன்பே அம்பையர் ஓவர் முடிந்ததாக அறிவித்ததால் ரன்அவுட் கொடுப்பதில் சிக்கல் ஏற்பட, நியூசிலாந்தின் கேப்டன் பெருந்தன்மையுடன் ரன் அவுட் கோரிக்கையை திரும்பபெற்றார். இரண்டு ஆட்டங்களிலும் பெருந்தன்மையுடன் நடந்து கொண்ட அணியே வெற்றிபெற்றது.

இந்த நிகழ்வுகள் மிகவும் அரிதான நிகழ்வாகும்.

மொத்தத்தில் நல்லாவே போயின்ட்டிருக்கு சாம்பியன்ஸ் டிராபி தொடர்.

பெட்டர் லக் நெக்ஸ்ட் டைம் இந்தியா. வேற என்ன சொல்ல.

எண்ணங்கள் - உங்களோடு பகிர்ந்துகொள்ள

2009-09-30T12:21:00.000+05:30

சமீபத்தில் என்னை மிகவும் பாதித்த சம்பவம் 5 ஆம் வகுப்பு படிக்கும் மாணவன் ஒருவன் தீக்குளித்து இறந்தது. இந்த சின்னஞ்சிறு வயதில் இப்படி ஒரு முடிவு எடுக்கவேண்டும் என்றால் ஆசிரியர் திட்டியது எந்தளவு அப்பையனை பாதித்திருக்கும். எவ்வளவு ரணப்பட்டிருக்கிறது அப்யைனின் மனம். தாங்க முடியவில்லை என்னால். இத்தனைக்கும் அம்மாணவன் நன்றாக படிப்பவன் என்று கேள்விபட்டேன்.

பொதுவாகவே இப்போழுது இத்தகைய செய்திகள் அதிகமாகிவருகிறது. 10, 12ஆம் வகுப்பில் படிக்கும் மாணவர்கள் எடுத்த இத்தகைய முடிவுகள் இப்போழுது சிறுவர்களையும் எடுக்கவைக்கின்றது. இந்தளவு டார்ச்சர் தேவையா? ஆசிரியர்கள் பணி எவ்வளவு முக்கியமான பணி. I'm sure it is a noble service. இன்று ஏன் ஆசிரியர்கள் இவ்வளவு முரட்டுத்தனமாக நடந்துகொள்கிறார்கள் என்று தெரியவில்லை.

நன்றாக படிக்கும் மாணவணுக்கு முக்கியத்துவம் அளிப்பது, சுமாராக படிக்கும் மாணவர்களை புறக்கணிப்பது (அ) சுத்தமாக கண்டுகொள்ளாமல் இருப்பது போன்ற நிகழ்வுகள் தற்பொழுது அதிகமாக நடக்கிறது. சுமாராக படிக்கும் மாணவணுக்கு அவனுக்கு என்ன பிரச்சனை, எப்படி தீர்ப்பது என்பது பற்றி யாருமே இப்போழுது கவலைப்படுவதில்லை என்பது நன்றாக தெரிகிறது. இதனை பற்றி சம்பந்தபட்ட ஆசிரியரிடம் ஏதாவது விசாரித்தாலே அப்பையனை உதாசீனம் செய்வது அதிகமாகிறது. இதற்கு மேல் எங்கே மேலிடத்தில் (பிரின்சிபால், தலைமையாசிரியர்) புகார் செய்வது? இப்படியே சென்றால் சுமாராக படிக்கும் மாணவன் கதி மோசமாகி அவனால் மீளவே முடியாமல் போகிறது.

என்னுடைய மகன் (யு..கே.ஜி) படிக்கும் பள்ளியில் ஆரம்பத்தில் என்னுடைய மகன் எழுத எவ்வளவு கற்றுக்கொடுத்தாலும் எழுதுவதி்ல்லை என்று புகார் தெரிவித்தார் வகுப்பு ஆசிரியர். மொத்த மாணவர்களில் என்னுடைய மகனும், மற்றொரு மாணவணை சுட்டிக்காட்டி அவனும் தான் எழுதுவதில்லை என்று புகார் கூறினார். சிறிது நாள் கழித்து (ஒரு வாரத்திற்கு பிறகு) இன்னொரு மாணவியின் தாயாரிடம் உங்கள் மகள் எழுதுவதேயில்லை என்று புகார் கூறிகொண்டிருந்தார். இப்படி பலரை குறை கூறிகொண்டே இருக்கிறார் அந்த ஆசிரியர். அப்படியென்றால் முதலில் ஏன் இரு மாணவர்கள்தான் எழுதுவதில்லை என்று கூறினார் என்று தெரியவில்லை? என்னதான் நடக்கிறது பள்ளியில் என்றும் தெரியவில்லை?

என்னுடைய மகனிடம் கண்பார்வை கோளாறு (Short Sight, high power) உள்ளது. அதனால் கண்ணாடி அணிந்துள்ளான். சிலசமயம் எழுதுவதற்கு தடுமாறுவான். எண்களை கட்டத்திற்குள் எழுதுவது, நான்கு வரி நோட்டில் ஆங்கில எழுத்துகளை சரியாக வரிகளுக்குள் எழுதுவது போன்றவற்றில் தடுமாறுவான். வேண்டுமென்றே இல்லை, பார்வை குறைபாட்டினால் மட்டுமே. அவன் எழுத பழகும் வரை தனி கவனம் செலுத்தி பயிற்சி கொடுக்க வேண்டாமா? அதைவிட்டுவிட்டு என் மகனை ஏனோதானோவென்று நடத்துகிறார். என் மகனை மட்டுமல்ல, சுமாராக படிக்கும் ஏறக்குறைய அனைத்து மாணவர்களிடமும் இதே போக்குதான். இது சரியா? நாங்களும் வீட்டில் எவ்வளவு முடியுமோ அவ்வளவு பயிற்சி அளிக்கிறோம். அவனும் நன்றாகவே ஒத்துழைக்கிறான். ஓரளவு நன்றாகவே எழுதுகிறான். ஆனாலும் பள்ளியில் அந்தளவு எழுதுவதில்லை. ஏன் என்று தெரியவில்லை?

ஒரு உண்மையான ஆசரியர் சுமாராக படிக்கும் மாணவனை முன்னேற்றுவதை சவாலாக எடுத்து சாதிக்க வேண்டாமா? இப்படியா நடந்து கொள்வது?

இப்படி நடந்துகொள்வதால் சிறுவர்களின் மனநிலை எவ்வளவு பாதிக்கும்? ஓரளவு வளர்ந்த சிறுவர்களாக இருந்தால் பரவாயில்லை? 4 வயது 5 வயது சிறுவர்கள் மனதில் இந்த ஆசிரியரின் நடவடிக்கை பசுமரத்தாணி போல பதிந்து விடுமே? இத்தவறை அவ்வாசிரியருக்கு யார்தான் எடுத்து சொல்வது?

இதற்கு என்னதான் தீர்வு என்று புரியவில்லை. மிகவும் கவலையாக உள்ளது.

புரூனே சுல்தான்

2009-09-17T19:33:00.005+05:30

உலகத்திலேயே பணக்கார நாடு புருனே. அதன் அதிபர்தான் Sultan Hassanal Bolkiah.

நம்ப பக்கம் சொல்லுவேமே பொறந்தப்பயே கைல தங்க ஸ்பூனோட பொறந்தான்னு. யாருக்கு பொருந்துமோ இல்லையோ இவருக்கு ரொம்ப நல்லா பொருந்தும். உலகத்திலேயே தங்கம் அதிகம் உபயோகப்படுத்தறதுல இவர்தான் நம்பர் 1 அப்படின்னு சொல்லலாம்.இவர் அணியும் ஆடைகள் அனைத்தும் எம்ப்ராய்டரி டிசைனில் தங்கம் உபயோகப்படுத்தப்பட்டிருக்கிறது.

சுல்தானின் அதிபர் மாளிகை

இந்த மாளிகைல் மொத்தம் 1788 ரூம்கள் இருக்கிறது. ஒவ்வொரு ரூமுக்கும் வெறும்னே சுத்தி பார்க்கனும்(சும்மா உள்ள போயிட்டு வெளிய வர்ரது மட்டும்) அப்படின்னாலே ஒரு நாள் ஆயிடும். இதை தவிர 650 suites-உம் இருக்கு இந்த மாளிகையில்.

இவரோட மத்த சொகுசல்லாம் பாருங்களேன்.

விமானம்

வாஷ்பேசின் (தங்கம் , தங்கம் மேலும் தங்கம்)

இவரிடம்தான் உலகத்திலேயே மிகப் பெரிய ஆடம்பரமான விமானம் இருக்கிறது.

இவருதான் சுல்தான்

ராணி

ராணி அணிந்திருக்கும் கிரிடம் முழுவதும் வைரம் பதிக்கபட்டிருக்றது.மலர்களில் கூட சிறிய வைரங்கள் உள்ளன.

விகிப்பீடியா சொல்றபடி சுல்தானிடன் உள்ள மொத்த கார்கள் 1932,

இவருடைய மகள் திருமண கொண்டாட்டங்கள் மொத்தம் 14 நாட்கள் நடந்தது. மொத்த செலவு 5 மில்லியன் டால்ர்கள்.

ராஜ வாழ்க்கைன்னா இதுதான் போலஇருக்கு.

கொடுத்துவச்ச ராஜா.

ஆமா, இவருக்கு recession பாதிப்புல்லாம் ஏதாவது இருந்திருக்குமா?

SMS ஜோக்ஸ்

2009-09-16T18:46:00.001+05:30

நான் ரசித்த / எனக்கு ஃபார்வார்ட் ஆன சில SMS Jokes. நீங்களும் ரசிக்க
***********************************************************************

இண்டர்வியூவில்

இண்டர்வியூ செய்பவர் - எலக்ட்ரிக் மோட்டார் எப்படி ஓடும்?

சர்தார்ஜி - டுர்ர்ர்ர்ர்

இ.செ. (கோபமாக) - நிறுத்துங்கள்

சர்தார்ஜி - டுர் டுப் டுப் டுப்

******

சர்தார்ஜி டிவி வாங்க போகிறார். கடையில்

சர்தார்ஜி - உங்களிடம் கலர் டிவி இருக்கிறதா?

கடைக்காரர் - இருக்கிறதே

சர்தார்ஜி - சரி, ஒரு பச்சைகலர் டி.வி கொடுங்கள்

******

சர்தார் தன்னுடைய பாசுக்கு SMS அனுப்புகிறார்.
எனக்கு உடல் நலமில்லை. வேலை இல்லை

பாஸ் சர்தார்ஜிக்கு SMS அனுப்புகிறார்
எனக்கு உடல்நலமில்லை என்றால் மனைவியை முத்தமிடுவேன்.

1 மணி நேரம் கழித்து சர்தார் பாசுக்கு SMS

I'm OK. Your wife so sweet. thank u

******

நீதிபதி - உங்களை ஏன் கைது செய்துள்ளார்கள்?

சர்தார்ஜி - ஷாப்பிங் செய்ததற்காக?

நீதிபதி - அதில் என்ன குற்றம்? எப்போழுது ஷாப்பிங் செய்தீர்கள்?

சர்தார்ஜி - கடையை திறப்பதற்கு முன்னால்

******

ஆசிரியர் - தண்ணீரின் அறிவியல் பெயர் என்ன?

சர்தார் - h, i, j, k, l, m, n, o

ஆசிரியர் - முட்டாள், எப்படி சொல்ற

சர்தார் - டீச்சர், அதான் H to O

******

சர்தாரிடம் அடல்ட் (adult) ஜோக் என்றால் என்ன என்று கேட்டதற்கு அவரது பதில் - 18 வயதுக்கு மேற்பட்ட ஜோக்குகள் எல்லாமே அடல்ட் ஜோக்குகள்

******

டிஸ்கி : ஹி. ஹி. ஆஃபிஸ் ஆணி இன்னிக்கி ரொம்ப அதிகம். சீக்கிரம் வேற மேட்டரோட வரேன்

விளையாட்டு விமர்ச்னம் - கிரிக்கெட்டும் டென்னிஸூம்

2009-09-15T10:24:00.004+05:30

முதல் பதிவு எழுதி 24 மணிநேரத்துக்குள் நொந்துபோய்விட்டேன். வெறும் 24 மணி நேரத்துக்கு மட்டுமே இந்திய கிரிக்கெட் அணி தரவரிசைப்பட்டியலில் முதலிடத்தில் இருந்தது. நான் கவலைப்ட்டதுபோலவே இலங்கையிடம் தோற்றுப்போனது இந்திய அணி. முதல் நாள் பவுலிங்கில் மிரட்டிய அணி ஏன் இப்படி விளையாடியது என்று தெரியவில்லை.

ஆனாலும் இறுதிப்போட்டியில் இந்தியா வெற்றி பெற்று பழித்தீர்த்துக் கொண்டது சற்றே (சற்றுதான், என்னால் வெறும் 24 மணிநேரம் மட்டுமே முதலிடம் என்பதை ஜீரணிக்கமுடியவில்லை) ஆறுதல். என்னை பொறுத்தவரை இது ஒரு ஆறுதல் வெற்றிதான்.

அதே போல் இன்னொன்றும் சொல்ல விரும்புகிறேன். லீக் போட்டியில் இந்தியா தோற்ற விதத்திற்கும், நேற்று இலங்கை பைனலில் தோற்ற விதத்தையும் பாருங்கள். இலங்கை கடைசிவரை போராட்டத்தை வெளிப்படுத்தியது. ஏன் இந்திய அணி இப்படிப்பட்ட விளையாட்டை விளையாடாமல், ஜஸ்ட் லைக் தட் என்பதுபோல் தோற்கிறது என்றும் புரியவில்லை.

சச்சின் மீண்டும் தன்னை நிருபித்து இருக்கிறார். அவரே சொல்வது போல அவர் அடித்த சிறந்த சதங்களில் இதுவும் ஒன்று என்றுதான் நினைக்கிறேன்.அதேப் போல் ஹர்பஜன். டூருக்கு கிளம்பும்போதே சர்ச்சை புகைப்படகாரரை அடித்து விட்டார் என்று. லீக் மேட்சுகளிலும் பெரியதாக சோபிக்கவில்லை. அனைத்திற்கும் சேர்த்து பைனலில் சாதித்து இருக்கிறார். ஹாட்ஸ் ஆஃப் டூ யூ பாஜி.

தோனியை பற்றி சொல்லாமல் இருக்க முடியாது. நிஜமாகவே ஆச்சரியமாக இருந்தது ஒன் டவுனில் பேட்டிங் செய்ததற்கு. இருந்தாலும் சாதித்தார். இவரும் சச்சினும் சேர்ந்து 110 ஓட்டங்களை சேர்த்தது ஒரு நல்ல ஸகோர் சேர்க்க உதவினர். தோனி நிஜமாகவே திறமையும் அதிர்ஷ்டமும் இணைந்த கேப்டனாக இருக்கிறார். அனைவரையும் நன்றாகவே உபயோகப்படுத்தி வெற்றிக்கனியை பறிக்கிறார்.

அதேபோல இன்னொரு புள்ளிவிவரம் படித்தேன். 1999லிருந்து இந்தியா 21 (நேற்றைய கோப்பையை சேர்க்காமல்) பைனல்களில்(I mean, more than 2 teams participating tournaments like triangular series, world cup etc) விளையாடி, 3-இல் மட்டுமே வெற்றி பெற்றிருக்கிறது. நேற்று வென்றது 4-ஆவது பைனல்.

தற்பொழுது தரவரிசைப்பட்டியலில் இரண்டாவது இடத்தில் இருக்கிறது இந்திய அணி. சாம்பியன்ஸ் கோப்பையை வென்றால் முதலிடத்திற்கு வரும் என நினைக்கிறேன்.

நம்பிக்கையுடன் காத்திருக்கிறேன் சாம்பியன்ஸ் கோப்பைக்கு.

நல்லதே நடக்க வேண்டும் என நினைக்கிறேன்.

* * * * * * * *

கிரிக்கெட்டிற்கு அடுத்து நான் ரசிக்கும் இன்னொரு விளையாட்டு டென்னிஸ்.

நேற்று மற்றொரு ஏமாற்றம். நான் ரோஜர் ஃபெடரரின் ஆட்டத்திற்கு தீவிர ரசிகன். எனது ஃபேவோரைட் இப்பொழுது ரோஜர் தான். இதுவரை 41 யூ.எஸ். ஓப்பன் ஆட்டங்கள் ஆடி அனைத்திலும் வெற்றி பெற்றவர் ரோஜர் ஃபெடரர்.

ரோஜர் ஃபெடரர் நிச்சயம் உலக சாதனை படைப்பார் என்று நான் நினைக்க, முற்றிலும் எதிர்பாராத விதமாக டெல் போட்ரோவின் வெற்றி நிஜமாக ஆச்சரியமாக உள்ளது. அதிலும் முதல் செட்டில் ரோஜர் வென்று அதன் பின் 2 செட்களை போட்ரோ வென்றது பெரிய விஷயம்தான். ஆட்டத்தில் ஒரே ஆறுதலாக, அவ்வளவு சுலமாக ரோஜர் ஃபெடரர் விட்டுக் கொடுக்காமல் நான்காவது சுற்றினை வெல்ல, பிறகு கடைசி சுற்று ஆட்டம் எதிர்பார்ப்பு அதிகமாகிவிட்டது, ஆனால் கடைசி சுற்று ஆட்டத்தில் போட்ரோவின் கை ஓங்கி, போட்ரோ வெற்றி பெற்றுவிட்டார். வாழ்த்துக்கள் ஜுவான் மார்டின் டெல் போட்ரோ

என்ன கொடுமை ரோஜர் ஃபெடரர் இது. என்னை ஏமாற்றி விட்டீர்களே.

இனி அடுத்த ஆண்டு துவக்கத்தில் வரும் ஆஸ்திரேலிய ஓப்பனில் நீங்கள் சாதனை படைக்க வேண்டும். வரும் 2010ஆம் ஆண்டு வெற்றியுடன் துவங்கட்டும் உங்களுக்கு.

உங்கள் சாதனையை பார்க்க காத்திருக்கிறேன்.

ஒண் டேகிரிக்கெட் தரவரிசை பட்டியலில் இந்தியா முதலிடம்

2009-09-12T09:31:00.007+05:30

மிகவும் சந்தோஷமாக இருக்கிறது.

நேற்று நியூஸிலாந்து அணியை தோற்கடித்ததின் மூலம் இந்தியா ஒண் டே கிரிக்கெட் தரவரிசைப்பட்டியலில் முதலிடத்தை பிடித்திருக்கிறது. நிஜமாகவே ஒரு பெரிய சாதனை. இத்தனை வருட இந்திய கிரிக்கெட் வரலாற்றில் முத்தாய்ப்பானது. இது வரை எந்த கேப்டனாலும் முடியாத சாதனையை புரிந்திருக்கிறார் தோனி.

உண்மையாகவே தோனி ஒரு அதிர்ஷடக்காரர் என்றே கூறுவேன். இதுவரை யாருக்கும் சாத்தியப்படாத சாதனையை அவர் கேப்டன் பதவி ஏற்றப்பின் மிக சிறப்பாக செயல்பட்டு இருக்கிறார். வாழ்த்துக்கள் தோனி அண்டு டீம். குறைந்த ஸ்கோர் என்றாலும் பேட்டிங்கிற்கு பிட்ச் ஒத்துழைக்காத நிலையில், அதிலும் பகலிரவு ஆட்டத்தில் பொறுமையாக பேட் செய்து வெற்றிபெற்றது சாதனைதான்.

இருந்தாலும் இந்த முதலிடத்தை இடத்தை தக்கவைக்க இன்று மற்றும் திங்களன்று நடைபெறும் இறுதி போட்டி (இரண்டுமே இலங்கைக்கு எதிரானது) வெற்றி பெற்றாக வேண்டும்.

நேற்றைய வெற்றியினால் மிகவும் உற்சாகமாகவும், இன்றும் திங்களன்றும் வெற்றி பெற்றாக வேண்டுமே என்று கவலையுடனும் இருக்கிறறேன். பார்ப்போம் என்ன நடக்கிறது என்று.

முதல் பதிவு

2009-09-11T18:18:00.001+05:30

இது என்னுடைய முதல் பதிவு

பதிவிடுவது தொடர்பான டெக்னிக்கல் விஷயங்கள் மிக குறைந்த அளவே தெரியும். கற்றுக்கொண்டு மேலும் பதிவுகளை பதிவிடவுள்ளேன்.

மேன்மேலும் வளர என்னை வாழ்த்துங்கள்

விரைவில் அடுத்தபதிவில் சந்திக்கிறேன்.